هاد الايردوتس تع رادمي صح ملاح من ناحية الصوت ومن ناحية البطارية ووقت شحنهم الكلي...بصح لهذاك العبد اللي طول حياتو يخدم بالويفي وحاب يشريهم بش يتفرج لي سيري لا يوتوب بالويفي ..نصيحة غير ماكالاه...بسكو متقدرش لانو يأثرو على الويفي والكنكسيون اللي توصل للهاتف تاعك
- عن تجربة، كنت نتوسوس نقول علاه كلما ناكتيفيهم منقدرش نتفرج يوتوب خلاص، ونقعد غي نطيح لاتصالات الجزائر، مبعد قعدت ناكتيفي ونديراكتيفي وهي رايحة، رحت لعمي غوغل، سقسيت اذا صح يأثرو على الكونكسيون وصح ضهرو بزاف عباد عندهم المشكل هذا.. سما اخي الكريم مجرد توضيح خفيف جامي شفت عبد حكا عليه من قبل، والله اذا راك بالويفي وماكتيفيهم اليوتوب متقدرش تتفرجو خلاص
ملاحظة : اللي يخدمو بالويفي برك مش ليدوني
الكاتب : Miro
أمير مدون صاعد عمري 20 سنة ، من الجزائر،هدفي اثراء المحتوى العربي ونشر جديد الحلقات و المقالات التقنية، ، انشأت المدونة لمشاركة افكاري معكم بجميع المجلات التقنية التي تهم الشاب العربي
ليست هناك تعليقات:
إرسال تعليق