صباح الخير عليكم ونهاركم مبروك 🙏🔥
علابالي بلي سنة 2020 شكينا منها وشفنا كامل الاحداث لي فيها لكن في الأول واأخير هو المكتوب تع ربي سبحانو الواحد يديرها في حسابوا ومهم يدير وش عليه.
كامل نطمحوا للنجاح بصح مرات منعرفوش الطريق في الصورة اسفله نخبركم عن اهم ما قد يساعدك للنجاح في 2020.
🎯 ثقف نفسك كل يوم
هدي ديرها قاعدة لازم قبل مايخلاص اليوم تكون رفدت معلومة جديدة وثقفت نفسك في مجال قد يساعدك في تحقيق احلامك.
🎯 استقيظ وقم بعمل تغيير
يقولك الخايب لي يرقد على رزقوا ونتا افهم نوض صباح اتكل على ربي واسعى في الأرض (ومع رانا في ظروف الحالية) اسعى في الارض الافتراضية (ايه الانترنت . . . بلا متخمم بزاف)
🎯 اخلق عادات ورتين جديد
عاداتك هي لي راح توصلك وش تحب لأنو هي الحاجة لي راح دير في كل وقت. شوف وش راح تسمع ولا تحكي على الروتين وبلي قاتل و..و.. بصح كل ناجح دير في حسابك بلي عندو روتني يمشي عليه كل يوم حتى ينجح ويلحق وين يحب
🎯 غير عقليتك وارفع معاييرك
هدي من لخر الماندست هي الصح تحب ولا تكره عقلية ديالك، تعاملك مع الناس وكيفاه تتعامل مع الظروف والمشاكل هي لي توصلك وين حاب وهدي تع ارفع معاييرك افهما بلي طلع النيفوو ومترضاش بالقليل اما تدي كلش ولا تدي كلش.
🎯 توقف عن الجلوس على الكنبة والانتظار
مرات بزاف تريح وتبقى تسنى تسقسيه وش راك دير يقولك راني نسنى يفتح ربي، ايه ربي يفتح نهار نتا تفتح على روحك وتتحرك معناها خليك من دراما ونوض اسعى في الحياة والدنيا مشي ساهلة ومراحش ترحمك ديرها مليح في بالك.
🎯 الغاء متابعة الأشخاص السلبين على التواص الاجتماعي
انا لوكان تجي تسقيني نقولك ماتبع حتى واحد، منعرف واحد تستفاد منو ولا يملدك اضافة مرحبا بيه من غيرو دير Unfollow قاعدة في حياتك (بيناتنا دوركا كي تشوف ستوري تع صاحبك داير فيها تصويرة ديالو مع حكمة ويختمها بـ #مقصودة هدا راح تنجح معاه 🤔
مهم ايا نوض اتقعد كشما مادير وخليك من الاحلام اليقظة ونلتقي على نجاح ان شاء الله. الصفحة كي العادة راح نستمر في منشورات متنوعة بين التقنيةن تجميعاات، امور متنوعة.
وايا من لخر Go to Win 😍
الكاتب : Miro
أمير مدون صاعد عمري 20 سنة ، من الجزائر،هدفي اثراء المحتوى العربي ونشر جديد الحلقات و المقالات التقنية، ، انشأت المدونة لمشاركة افكاري معكم بجميع المجلات التقنية التي تهم الشاب العربي
ليست هناك تعليقات:
إرسال تعليق